Respýblıka kúni – elimizdiń tarıhynda mańyzdy oryn alatyn erekshe mereke. Bul kún táýelsizdigimizdiń bastaýy retinde úlken mánge ıe. Sondyqtan ulttyq merekelerdi balabaqshadan bastap, balalardyń sanasyna oıyn men tárbıeniń negizinde elge degen qurmet pen súıispenshilikti sińirý mańyzdy.
Patrıottyq tárbıe mektepke deıingi jastan bastap qalyptasady. Ár mektep jasyna deıingi bala óziniń týǵan jerin súıýdi, qurmetteýdi, baǵalaýdy jáne Otanyn qorǵaýdy úırenedi. Tárbıeshiler sábılerge «meniń elim», «meniń jerim» degen uǵymdardy oıyn arqyly úıretip, patrıottyq sezimdi nyǵaıtýǵa atsalysady.
Balabaqshada mektep jasyna deıingi balalarǵa Respýblıka kúni – eldiń memleket qurý jolyndaǵy tarıhı qadamynyń sımvoly ekenin túsindirý úshin túrli erteńgilikter men oıyn túrindegi is-sharalar ótkiziledi.
«25 qazan – Respýblıka kúni» merekesine oraı balabaqshamyzda merekelik is-sharalar uıymdastyryldy. Merekelik is-sharanyń basty maqsaty – balalarǵa aǵa býynnyń erlik isterin úlgi ete otyryp, Otanǵa, elge degen patrıottyq sezimderdi oıatý, táýelsizdikti saqtaý jáne Otandy qorǵaýǵa degen jaýapkershilik sezimin qalyptastyrý, bolashaqqa degen senimderin nyǵaıtý jáne sanaly, bilimdi azamat etip tárbıeleý.
Saltanatty shara Memlekettik Ánuranmen bastalyp, is-shara barysynda tárbıelenýshiler óz ónerlerin kórsetti. Án aıtyp, bı bılep, túrli aspaptarda oınaǵan búldirshinder merekeniń kórkin kirgizdi.
Memlekettiń eń basty baılyǵy – óskeleń urpaq. Biz elimizdiń táýelsizdik jyldaryndaǵy jetistikteri men tarıhyn maqtan tutamyz. Balabaqshamyzda bir úıdiń balasyndaı uıysyp, ulttyq merekeni atap ótý – erekshe qýanysh. Qazaqstan Respýblıkasynyń Respýblıka kúni – bizdiń jalpyulttyq merekemiz. Elimizdiń damýy, tolaǵaı tabystarǵa jetýi – halqymyzdyń yntymaǵy men birliginiń jemisi. Jyl ótken saıyn Qazaqstan óziniń ulttyq dástúrlerin zamanaýı damýymen ushtastyryp, myqty memleketke aınalyp keledi. Ulttyq merekemiz qutty bolsyn!