Almaty qalasy Bilim basqarmasyna qarasty «Kólik jáne komýnıkasıa kolejinde» qalalyq semınar ótti. Semınarǵa qaladaǵy kolejderdiń arnaıy pán oqytýshylary qatysty.
Semınar sheteldik tájirıbeni qoldaný týraly boldy. Almaty qalasynyń Bilim basqarmasy men ákimdiginiń qoldaýymen Almaty kólik jáne komýnıkasıa kolejiniń arnaıy pán oqytýshylary men sheberleri 2023 jyldyń qyrkúıek-qazan aılarynda Fınlándıa elinde taǵylymdamadan ótti.
Taǵylymdama qorytyndysy boıynsha, «Avtomattandyrý jáne telemehanıka» jáne «Temir joldardyń elektr júıelerin elektrmen jabdyqtaý» mamandyqtary boıynsha oqytýshylar Fınlándıanyń bilim berý júıesiniń elementterin óz oqý úrdisine engizýdi bastady. Olar teorıalyq bilimderin taldap, praktıkalyq daǵdylardy damytty, bul básekege qabiletti mamandardy daıarlaýǵa múmkindik berdi. Oqytýshylar Fınlándıadan jınaqtaǵan ómirlik tájirıbelerin, onyń ishinde muǵalimder men stýdentter arasyndaǵy psıhologıalyq qarym-qatynasty, bilim berý salasyndaǵy ádisterdi qoldanýda.
Semınardy AMKK dırektory Magazov E. men Almaty qalasy Bilim basqarmasynyń ádiskeri Daıyrmanova D. quttyqtaý sózben ashyp berdi.
Semınarda Nurjanova G. jáne Gabdrahım A. «Arnaıy pánderdi júrgizýde, dıplomdyq jáne tájirıbelik jumystardy oryndaýda jobany júzege asyrý» taqyrybyna toqtaldy. Orazbaı M. stýdentterdiń jobalarǵa kózqarasyn «Jobanyń nátıjesi boıynsha stýdentterdiń kózqarasy» taqyrybynda baıandady. Temirbekova R. «Jobaǵa qajetti resýrstar men onyń damý perspektıvalary» týraly aıtyp ótti. Al Salımova S. «Joba boıynsha jasalǵan ádistemelik jumystardy» tanystyrdy. Baıanov J. «Elektr montajdyq jumystardy kolej sheberhanasynda júzege asyrý» boıynsha sabaqtardy kórsetti.
Semınar sońynda qatysýshylar óz pikirlerimen bólisip, semınardyń joǵary deńgeıde ótkenine rızashylyqtaryn bildirip, jaqsy kóńil-kúımen tarqasty.