Temirjol ınfraqurylymyn damytý jospary talqylandy
QR Premer-Mınıstri Álıhan Smaıylovtyń tóraǵalyǵymen ótken keńeste taý-ken metalýrgıa kompanıalary qyzmetiniń jáne salany damytýdyń birqatar ózekti máselesi qaraldy. Bul týraly Almaty-akshamy.kz Úkimet saıtyna silteme jasap habarlaıdy.
Keńeske qatysýshylar jańa ınvestısıalyq jobalardy iske qosý, perspektıvaly ken oryndaryn ıgerý jáne shıkizat pen otyndy tasymaldaý úshin temirjol ınfraqurylymyn damytý josparlaryn talqylady.
Sonymen qatar temirjol tasymalyna tarıf belgileý, ónim eksportyn ulǵaıtý, ónerkásip nysandaryn gazben qamtamasyz etý jáne basqa da birqatar másele qozǵaldy.
Keńeske «Qazaqstan temir joly» jáne QazaqGaz ulttyq kompanıalarynyń, sondaı-aq ortalyq memlekettik organdardyń basshylary qatysty.
Premer-Mınıstr ýákiletti vedomstvolarǵa bıznes ókilderi kóteretin túıtkildi máseleler boıynsha sharalardy pysyqtaýdy jedeldetýdi jáne kelesi keńeste naqty usynystar berýdi tapsyrdy.