Byltyr Medeý aýdanynda 5,4 km sýmen qamtý jáne káriz jelileri salynyp, qaıta jańartyldy. 2023 jyly jumystar kólemi edáýir ulǵaıyp, 64,7 km sý qubyry jáne káriz jelisin salý josparlanǵan. Bul týraly qala ákimi Erbolat Dosaev esep berý kezdesýinde habarlady, dep habarlaıdy Almaty-akshamy.kz.
«2014 jyly Medeý aýdanyna Almaty oblysy Talǵar aýdanynyń aýmaǵy qosylǵan soń, shaǵynaýdandardyń turǵyndaryn sapaly sýmen jáne kárizben qamtý qajettiligi týyndady. Jyl sońyna deıin "Kólsaı", "Keńsaı", "Sulýsaı", "Kompot", "Muztaý" shaǵynaýdandarynyń jáne Halıýllın kóshesiniń 19 myńnan astam turǵyny sapaly sýmen jáne káriz júıesimen qamtylady», - dedi qala ákimi Erbolat Dosaev esep berý kezdesýinde.
Buǵan qosa, "Dýman" shaǵynaýdanynda 14 km sý qubyry men káriz jelisin salýǵa jobalaý-smetalyq qujattama ázirlenip jatyr.