Úkimet eń tómengi jalaqyny anyqtaý ádistemesin jańartýdy josparlap otyr.
Bul týraly Premer-mınıstrdiń orynbasary – Ulttyq ekonomıka mınıstri Serik Jumanǵarın Senat otyrysynan keıingi brıfıńte aıtty, - dep habarlaıdy aqshamnews.kz.
Mınıstrdiń sózinshe, qazir eń tómengi jalaqyny esepteýde ortasha jáne medıandyq eńbekaqy kórsetkishteri qoldanylyp júr. Alaıda olardyń qaısysyn negizge alý kerektigi áli naqty aıqyndalmaǵan.
"Eń tómengi jalaqynyń medıandyq eńbekaqynyń 45–50 paıyzyna teń bolýy kerek degen pikirler bar. Sondyqtan ádistemeniń bar talaptaryn birizdendirip, naqty anyqtap alý qajet", - dedi Jumanǵarın.
Ol jańa tásildi engizý fıskaldyq shoǵyrlandyrýdy qajet etetinin atap ótti.
"Búdjet kirisin arttyryp, tıimsiz shyǵystardy qysqartý kerek. Premer-mınıstr búgin osy baǵyttaǵy josparlardy túsindirdi. 2026 jyldyń alǵashqy jarty jyldyǵynda salyq jáne búdjet reformalarynyń nátıjesin kóretin bolamyz. Sol kezde 2027–2029 jyldarǵa arnalǵan búdjet usynylady. Eń tómengi jalaqy máselesi de sol kezeńde qaralady", - dedi mınıstr.