Áuezov audany komyunıtı-ortalyǵy men demalys ortalyqtarynyń «AUEZOV AWARDS» atty jyldyq qorytyndy kontsertí óttí.
Būl kesh – bír jyl íshínde atqarylǵan ıgí ísterdíń, tyń bastamalar men áleumettík jobalardyń, jastardyń shyǵarmashylyǵy men belsendílígíníń qorytyndysy. Komyunıtı-ortalyq pen demalys ortalyqtary júzege asyrǵan jobalardyń nátıjesí men jastardyń tabysty eńbekterí sahna tórínde kórínís tapty.
– Almatynyń ár audanynda kem degende 2 komyunıtı-ortalyqtan bar. Būl ortalyqtar jastardyń jan-jaqty qyrlaryn ashuǵa, boılaryndaǵy múmkíndíktí paıdalanuǵa erekshe shabyt syılaıdy. Bízdíń shyǵarmashylyq baǵyttaǵy orta jastardy áleumettendíru men qoǵamda ózderín damytuǵa kómektesedí. «AUEZOV AWARDS» – daryndy, shyǵarmashyl, kreatıvtí jastardyń basyn bíríktírgen bíregeı alań, – dedí Áuezov audany komyunıtı-ortalyǵynyń jetekshísí Bauyrjan Mahambet.
Sharanyń maqsaty – audannyń kreatıvtí, belsendí, zamanauı jastar qauymyn qoldau, olardyń eńbegín baǵalau jáne jańa bastamalarǵa shabyt beru.
Baǵdarlama ayasynda jyl boıy júzege asqan jobalardyń tanystyrylymy ūsynylyp, túrlí atalym boıynsha úzdík jastar, jetekshíler men qyzmetkerler marapattaldy.
Al komyunıtı-ortalyqtyń belsendí qyzmetkerí Quanysh Utemısov Áuezov audany basshylyǵynyń tyń ūsynystardy qashan da qoldauǵa daıyn ekenín jetkízdí.
– Bír jyldyń íshínde bíz jastarǵa arnalǵan bírqatar jobany júzege asyrdyq. Onyń íshínde jastardyń ıdeyalaryn qalalyq deńgeıge deıín tanytatyn trenıngter men semınarlar, sheberlík sabaqtar ūıymdastyrdyq. Nátıjesí jaman emes, – dedí qyzmetker.