Aldaǵy jylytý maýsymyna daıyndyq barysyna qatań monıtorıń júrgizilýi tıis.
QR Premer-Mınıstri Álıhan Smaıylovtyń tóraǵalyǵymen ótken Úkimet otyrysynda jylý berý kezeńiniń qorytyndysy men kelesi jylytý maýsymyna daıyndyq máselesi qaraldy, dep habarlaıdy Almaty-akshamy.kz
Álıhan Smaıylov byltyr respýblıkanyń shyǵys jáne soltústik óńirlerinde kúnniń erte sýýy saldarynan kezekter paıda bolyp, kómir baǵasynyń kóterilgenin eske saldy.
Indýstrıa jáne ınfraqurylymdyq damý mınıstrligi ákimdiktermen birlesip, turǵyndardy, JEO men qazandyqtardy qajetti kólemdegi kómirmen aldyn ala qamtamasyz etý jumystaryn uıymdastyrýy tıis.
«Qazaqstan temir joly» kompanıasy elektr stansıalaryna kómir jetkizýge basymdyq bere otyryp, olardy qajetti vagondarmen qamtamasyz etýi kerek.
«Básekelestikti qorǵaý jáne damytý agenttigi ákimdiktermen birlesip, kómir baǵasyn erekshe baqylaýǵa alyp, ásirese turǵyndar úshin kómir baǵasynyń negizsiz ósýine jol bermeý sharalaryn qabyldaýy qajet»,— dedi Úkimet basshysy.
Jalpy Energetıka, Indýstrıa jáne ınfraqurylymdyq damý mınıstrlikteri nysandardy aldaǵy jylytý maýsymyna daıyndaý barysyna qatań monıtorıń júrgizýi tıis, dep túıindedi Álıhan Smaıylov.