Qaıǵyly oqıǵa Alataý aýdanyna qarasty «Qarasý» shaǵynaýdanynda bolǵan, dep habarlaıdy Almaty-akshamy.kz Elorda.info saıtyna silteme jasap.
Búldirshinniń ómirin qıǵan laı sýǵa toly shuńqyr bir aı buryn qazylǵan.
«Qarasý» shaǵynaýdanyndaǵy káriz júıesin ortalyqtandyrý úshin osy jerde arnaıy stansıa qurylysy bastalypty. Jerasty sýy kedergi keltirgen soń jumysty ýaqytsha toqtatyp qoıǵan.
"Bul jaǵdaı Alataý aýdandyq polısıa basqarmasynda tirkeldi. Qazirgi tańda sotaldy tergeý amaldary júrgizilip jatyr. Sot-medısınalyq saraptama taǵaıyndaldy. Sonymen qatar, zańmen kózdelgen prosesýaldyq áreketter bar. Qaıǵyly oqıǵanyń mán-jaıy tolyq anyqtalady. Mindetti túrde zań aıasynda jaýapty adamdarǵa shara qoldanylady", - dedi Almaty qalalyq Polısıa departamentiniń resmı ókili Saltanat Ázirbek.