Úkimet balalardy qaýipti aýrýlarǵa qarsy ımmýndaýǵa 5,8 mıllıard teńgeden astam qarjy bóldi.
Premer-Mınıstr Oljas Bektenov tıisti qaýlyǵa qol qoıdy, dep habarlaıdy Almaty-akshamy.kz.
Maqsat elimizdegi epıdemıologıalyq jaǵdaıdy baqylaýda ustap, balalardy túrli keselden qorǵaý. Densaýlyq saqtaý mınıstrligi júrgizgen taldaýy kórsetkendeı, Qazaqstanda ekpe almaǵan 800 myńnan astam bala bar. Endi olarǵa kókjótel, qyzylsha, qyzamyq, sirespe, polıomıelıt sıaqty qaýipti juqpaly aýrýlarǵa qarsy ımmýndaý júrgiziledi. Qarajat oblystardyń, respýblıkalyq mańyzy bar qalalar men astananyń ákimdikterine vaksına men shprıs satyp alýǵa aýdarylady. Sondaı-aq, mınıstrlik ókilderi ekpe alýdy qajet etetin ınfeksıalarmen syrqattandardyń kóbeıgenin aıtady. Naýqastardyń kóbi vaksına saldyrmaǵan dedi.