Barlyq málimet TABAN – úı janýarlaryn esepke alý Biryńǵaı derekter bazasynan júkteledi, dep habarlaıdy aqshamnews.kz
"Mysyq, ıt jáne basqa da úı janýarlarynyń ıeleri olardyń málimetterin eGov Mobile mobıldi qosymshasynyń "Sıfrlyq qujattar" bóliminen qaraı alady", - dep jazylǵan "Ulttyq aqparattyq tehnologıalar" AQ -nyń habarlamasynda.
Barlyq málimet TABAN – úı janýarlaryn esepke alý Biryńǵaı derekter bazasynan júkteledi. Bul júıede tirkelgen barlyq janýarǵa qatysty mańyzdy oqıǵalar jazylyp otyrady.
Sıfrlyq pasportta myna málimetter qamtylady:
janýardyń jeke nómiri,
qujat nómiri,
aty,
túsi,
tuqymy,
týǵan kúni,
erekshe belgileri,
janýardyń túri men jynysy,
tirkelgen mekenjaıy,
naqty turatyn mekenjaıy,
ıesiniń tolyq aty-jóni men JSN.
Sondaı-aq chıpteý, sterılızasıa jáne vaksınasıa týraly aqparat – datalary men mártebeleri kórsetilgen.
Qyzmetti paıdalaný úshin:
eGov Mobile qosymshasyna avtorızasıadan ótip;
"Sıfrlyq qujattar" servısine kirý qajet;
"Basqa qujattar" bóliminde Janýar pasportymen tanysý kerek;
eger qujat kórinbese, "Qujattardy jańartý" batyrmasyn basý qajet.
Sıfrlyq tólqujat veterınarlyq klınıkaǵa barǵanda, saıahatqa shyǵarda, kórmelerge qatysqanda nemese janýar joǵalǵan jaǵdaıda onyń derekterin jedel usynýǵa múmkindik beredi. Sonymen qatar bul qyzmet úı janýarlaryn júıeli túrde esepke alýǵa, qańǵybas janýarlar sanyn azaıtýǵa jáne ıeleriniń jaýapkershiligin arttyrýǵa septigin tıgizedi.
2025 jylǵy naýryz aıyndaǵy jaǵdaı boıynsha júıede 224 myńnan astam úı janýary tirkelgen, onyń ishinde 20 myńnan astamy – úısiz janýarlar.