Atyraý meshitiniń qyzmetkerleri ımamnyń ústinen aryzdanyp jatyr.
Atyraý qalasyndaǵy "Quspan Molda" meshitiniń qyzmetkerleri ımam Emmat Ǵumarovtyń ústinen aryzdanyp, jýrnalıs Oraz Álimbekke hat jazǵan, dep habarlaıdy aqshamnews.kz Ulysmedia.kz-ke silteme jasap.
Olar meshim ımamynyń teris qylyqtary týraly QMDB tóraǵasy, bas múftı Naýryzbaı Ótpenovke qanshama ret aryzdansa da, osy ýaqytqa deıin oǵan baılanysty eshqandaı shara qoldanylmaı otyrǵanyn aıtady.
«Tómendegi aryzda aıtylǵan aıyptaýdyń ras ıakı ótirigin bilmedim. Múftıat qalaı da jamaǵattyń janaıqaıyna nazar aýdaryp, osy aryz boıynsha tekserý júrgizýi tıis. Sebebi, meshit ımamyn taǵaıyndaý Bas múftıdiń buıryǵy boıynsha júzege asady. Al meniń qolymda turǵan ne bar?!. Men Aqıqat pen Ádildik izdegen jalańaıaq jýrnalısiń birimin ǵoı», – degen meshit jamaǵatynyń hatyn jarıalaǵan jýrnalıs.
Onyń aıtýynsha, Emmat Ǵumarov ózine laıyqsyz, biraq din arqyly paıda tabatyn meshit minberin saqtap qalý úshin múftıat basshylyǵyna Atyraýdyń bekiresi men qara ýyldyryǵyn aı saıyn jiberip turady.
Atyraýlyq kásipkerler men mesenattardyń arqasynda ábden baıydy, sonyń arqasynda úıir-úıir jylqysy, júzdegen túıe men sıyr-qoıy bar.
Sonymen qatar Emmat Ǵumarov Qurandy tájýıd boıynsha qate oqıdy, dinı bilimi óte nashar.
Eń soraqysy tánin satatyn jeńiltek qyzdarǵa baryp, bodı massaj jasatyp, jynystyq qatynasqa túsetinin dúıim jamaǵat biledi.
Dinimizde tıym salynǵan temeki, nasybaı, anasha da shegedi.
Ózi quddy bir ımam emes, teatrda qyzmet jasaıtyn saıqymazaq sekildi únemi bylapyt-kórgensiz anekdottar aıtady.
Emmat Ǵumarov 30-jyl boıy eldi sorlatyp, sáláfızmniń Qazaqstanda taralýyna múddeli Nursultan Nazarbaevty únemi madaqtaýyn toqtatqan emes.
«Qurmetti Oraz aǵa! Siz dástúrli dinimizdi jemqor jáne amoraldy ımamdardan meılinshe qorǵap júrgen Qazaqstandaǵy jalǵyz jýrnalıssiz, osy janaıqaımyzdy dúıim halyqqa jarıalaýyńyzdy ótinemiz. Qurmetpen: "Quspan Molda" meshitiniń bir top jamaǵaty", – delingen hatta.