Instıtýt saýda nysandarymen birlese jumys atqarady.
Tutynýshylardyń quqyǵyn qorǵaıtyn Ombýdsmen ınstıtýtyn engizý josparlanyp otyr, dep habarlaıdy Almaty-akshamy.kz Saýda jáne ıntegrasıa mınıstrliginiń Tutynýshylar quqyqtaryn qorǵaý komıtetiniń baspasóz qyzmetine silteme jasap.
Vedomstvo dereginshe, tutynýshylardyń quqyǵyn qorǵaý máseleleri jónindegi Ombýdsmen ınstıtýtyn engizý týraly zań jobasy ázirlengen. Ol tutynýshylar, ǵylymı qyzmetkerler men sarapshylardyń ashyq talqylaýynan soń qabyldanady.
Jańa zańǵa sáıkes, Ombýdsmen ınstıtýty salalyq memlekettik organdar ázirleıtin quqyqtyq aktilerdi daıyndaý prosesine mindetti túrde qatysýǵa quqyly bolady. Sondaı-aq, kelisimsharttarda tutynýshylardyń quqyǵyn shekteıtin jaǵdaılarǵa jol bermeý úshin eskertý jasaýǵa quzyrly.
Instıtýt elektrondyq saýda salasyndaǵy qoǵamdyq qatynastardy retteý úshin saýda nysandarymen birlese jumys atqarady.
Aıta keteıik, buǵan deıin Qyzylordada tutynýshylar quqyǵyn qorǵaýǵa baılanysty túsetin shaǵym 30,4 esege kóbeıgenin habarlap edik.