Ákimdik aýdannyń áleýmettik ınfraqurylymyn damytýǵa erekshe nazar aýdarýda.
Túrksib aýdanyda qurylys qarqyndy júrip jatyr. Bul týraly Almaty ákimi Erbolat Dosaev aýdan turǵyndarymen ótken kezdesýde aıtty, dep habarlaıdy Almaty-akshamy.kz.
«Sondyqtan biz jańa mektepter salý jáne qoldanystaǵy mektepterdi keńeıtý jumystaryn jalǵastyrýǵa nıettimiz. Ótken jyly «Qaırat» shaǵyn aýdanynda 1 500 oryndyq №211 mektep-gımnazıa salyndy. Ol bıyl qyrkúıek aıynda jumysyn bastaıdy», - dedi qala basshysy.
2022 jyldyń jeltoqsanynda qoldanystaǵy ǵımaratty (860 oryn) seısmıkalyq kúsheıtip jáne 300 orynǵa qosymsha qurylys salyp, №59 mektep-gımnazıanyń ǵımaratyn rekonstrýksıalaý bastaldy. Jumystardy 2024 jyldyń İ-shi toqsanynda aıaqtaý josparlanǵan.
«Jaıly mektep» ulttyq jobasyn iske asyrý aıasynda osy jyldyń IİI-shi jartyjyldyǵynda Túrksib aýdanynda 6100 oryndyq 4 mekteptiń qurylysy bastalady.
Sonymen qosa 2 mektepke 1050 oryndyq qosymsha qurylys salý (№195 orta mektepke 450 oryndyq, aıaqtalýy – osy jyldyń tamyz aıy jáne №198 orta mektepke 600 oryndyq, aıaqtalýy – osy jyldyń qyrkúıek aıy), №83 gımnazıa fılıalyn rekonstrýksıalaý (aıaqtalýy – 2023 jyldyń qazan aıy) jáne №50 mektep ǵımaratyn seısmıkalyq kúsheıtý (aıaqtalýy - 2023 jyldyń jeltoqsan aıy) jobalanýda.
Osy jyldyń naýryz aıynan bastap qoldanystaǵy ǵımarattardy buzyp, Almaty telekomýnıkasıa jáne mashına jasaý kolejin salý úshin jobalaý-smetalyq qujattama ázirlenýde. Jobalaý-smetalyq qujattama ázirleýdi 2024 jyldyń İ-shi toqsanynda aıaqtaý josparlanǵan.
№70 bóbekjaı-balabaqsha ǵımaratyn seısmıkalyq kúsheıtý jumystary aıaqtalyp keledi. Osy jyldyń shilde aıynda ashýdy josparlap otyrmyz. Jyl sońyna deıin «Qaırat» shaǵyn aýdanyndaǵy 260 oryndyq memlekettik balabaqshanyń qurylysy aıaqtalady.
Osy jyldyń İİİ-shi toqsanynda jer ýchaskesi alynǵannan keıin «Álmerek» shaǵyn aýdanynda 320 oryndyq balabaqsha salý úshin jobalaý-smetalyq qujattama ázirleýge konkýrs jarıalanady.