Túrksib aýdanynda ınjenerlik jelilerdi jańalaý – eń ózekti máseleniń biri bolyp qala beredi. Óńirlik komýnıkasıalar qyzmetinde aýdan ákimi Bahytjan Aqjarov osy baǵytta qandaı jumys istelip jatqanyn aıtty, dep habarlaıdy aqshamnews.kz
Ákimniń aıtýynsha, 2024 jyly Shýaqty, Álmerek shaǵyn aýdany men Zakarpatskaıa kóshesinde 43 shaqyrymnan asatyn sýmen jabdyqtaıtyn jeli men káriz jelisi salyndy. Bıyl Nıjnáá Pátıletka shaǵyn aýdanynda 115 shaqyrym sý qubyry men 31,9 shaqyrym káriz jelisiniń qurylysy aıaqtalyp qaldy. 2025 jyldyń sońyna deıin 28,4 shaqyrym sý qubyry men 21,2 shaqyrym káriz jelileri qurylysy aıaqtalady.
Sonymen qatar, Týkaıa - Norılskıı - Poddýbnyı - Dıkson men Aqan Seri - Seıfýllın - Sholohova kóshesiniń aýmaǵynda 16,1 shaqyrym sý qubyry men 16,8 shaqyrym káriz jelisiniń qurylysy júrgizilip jatyr.
«Jalpy, sý qubyry men káriz jelilerin jańalaý jaǵy kezeń-kezeńimen iske asady. Osyǵan baılanysty, Nıjnáá Pátıletka shaǵyn aýdanynda eki káriz sorǵy stansıasynyń qurylysy boıynsha baıqaý ótkizilip jatyr», - dep atap ótti Baqytjan Aqjarov.
Sonymen qatar, Rysqulov - Jansúgirov - Sholohov - Seıfýllın kóshesiniń aýmaǵynda ınjenerlik jeliler salý jobasy boıynsha memlekettik saraptama alynǵan, Nurshashqan shaǵyn aýdanyndaǵy qamtylmaǵan ýchaskelerdiń jobalyq-smetalyq qujattamasy ázirlenip jatyr.
Elektr jelilerin modernızasıalaý da aıaqtaldy: Qaırat pen Álmerek shaǵyn aýdanynda elektr jelileri jańartyldy. Qazir AO «AJK» qalalyq jelilerine qosylyp jatyr. «Tuzdybastaý» podstansıasynyń qurylysy 31 shildege deıin aıaqtalady, qazir qosymsha jeliler tartylyp jatyr.
Jylýmen jabdyqtaý boıynsha ótken jyly 2,1 shaqyrym jylý jelisi jańartyldy, «Vokzal» jylý stansıasyna 3,4 shaqyrym sý qubyry men 7,3 shaqyrym elektr jelisi tartyldy. 2025 jyly taǵy 9 jylý stansıasyn jańalaý men 8,9 shaqyrym jylý jelisin jańartý josparlanyp otyr, bul jumystar Namanganskaıa-Montajnaıa men Seıfýllın-Kotelnıkov kóshesin qamtymaq.
Qaırat shaǵyn aýdanynda gaz qysymyn turaqtandyrý maqsatynda 12,4 shaqyrym gaz jelisi jańartylady, bul 1300-den astam jeke úıler men kópqabatty úılerdi jylýmen qamtamasyz etýge múmkindik beredi.