Sýda da jaqsy júzedi
Túrkistan oblysynyń turǵyndary qyzyl kitapqa engen alyp kesirtkeni vıdeoǵa túsirip aldy, dep habarlaıdy Almaty-akshamy.kz QazAqparatqa silteme jasap.
«Sur kesel» atty Qazaqstandaǵy eń iri kesirtke aýyl ishine kirip ketken. Ony vıdeoǵa túsirýshiler aýyl mańynda munan da úlkeni bar ekenin aıtady.
«Bul kishkentaıy ǵoı. Ar jaqty munan da úlkenderi bar» - deıdi kamera ustap turǵan jigit.
Al, Túrkistan oblysy Syrdarıa – Túrkistan MÓTP kishi ǵylymı qyzmetkeri Ǵanı Nazarbek bul kesirtkeniń Shardara men Otyrar aýdanynda kóp kezdesetindigin jetkizdi.
«Túrkistan oblysyndaǵy Syrdarıa ózeniniń sol jaǵalaýynda mekendeıdi. Negizinen qumdy shól nemese sazdy shólmen shekaralas jerdi qonystaıdy. «Sur kesel» jylan, saryshunaq sekildi jándiktermen qorektenedi. Sýda da jaqsy júzedi. Qurlyqta jaqsy júgiredi. Bir ókinishtisi, keı eldi mekenderde taspen atqylap óltirip tastaǵan, kólikpen basyp ketken jaǵdaılar kóp. Biz bul qyzyl kitapqa engen kesirtkeni týrısik maqsatta da paıdalansaq bolady. Sebebi, arnaıy zertteý úshin keletin sheteldik ǵalymdar kóp. Olardyń bul kesirtkege qyzyǵýshylyǵy joǵary. Al, munan úlkenderi tek Taıland jaqta ǵana kezdesedi» - deıdi ol.