Túrkistan oblysynda 43 jastaǵy Orynkúl Nurabaeva úshem dúnıege ákeldi. Buǵan deıin ol segiz balanyń anasy bolǵan, - dep habarlaıdy Aqshamnews.kz tilshisi OTYRAR-ǵa silteme jasap.
Dárigerlerdiń aıtýynsha, bosaný josparly túrde, kesar tiligi arqyly ótken. Jańa týǵan ul balalar – Aslan, Álıhan jáne Álinurdyń, sondaı-aq, ananyń jaǵdaıy turaqty. Barlyǵy úıine shyǵaryldy. Áıel Shardara aýdanyna qarasty Jaýshyqum aýylynda turady.
"Árıne, ońaı bolǵan joq, ásirese meniń jasymda. Biraq sábılerimdi kórgen sátte barlyq qorqynyshym ketti. Eń bastysy - bári aman-esen", - dedi Orynkúl Nýrabaeva.
Osylaısha kópbalaly otbasynda endi 11 bala bar. Úlken qyzynyń jasy – 26-da, al kishisi – tórtte. Budan bólek, Orynkúl Nurabaevanyń bes nemeresi bar.