Prezıdent Qasym-Jomart Toqaev Túrkistan oblysy Jetisaı aýdanyndaǵy jeke úıde bolǵan órttiń saldarynan kóptegen adamnyń qaza tabýyna baılanysty kóńil aıtty, - dep habarlaıdy aqshamnews.kz tilshisi.
Túrkistan oblysy Tótenshe jaǵdaılar departamentiniń málimetinshe, 18 qarashada tańerteń Jetisaı aýdanyna qarasty Alǵabas aýylyndaǵy eki qabatty jeke turǵyn úıden órt shyqqany týraly habar túsken.
Órtsóndirýshiler kelgen sátte úı tolyǵymen órtke oranǵany anyqtalǵan. Órtti sóndirý jáne barlaý kezinde úıden es-tússiz jatqan úsh adam evakýasıalanyp, jedel járdem brıgadasyna tapsyryldy.
"Úıdiń ishinen 12 adamnyń máıiti tabyldy, olardyń toǵyzy – bala", – delingen TJD habarlamasynda.
Kórshilerdiń aıtýynsha, oqıǵa bolǵan úıde qonaqtar bolǵan, sebebi aldyńǵy kúni úı ıelerinde is-shara ótken. Órt 360 sharshy metr aýmaqta tolyq sóndirildi.
Qazir oqıǵa ornynda barlyq jedel qyzmet jumys istep jatyr. Órttiń shyǵý sebebi anyqtalyp jatyr, tergeý bastaldy.
Úkimet pen Túrkistan oblysynyń ákimine zardap shekken azamattardyń týǵan-týystaryna barlyq qajetti kómek kórsetip, qaıǵyly oqıǵany jan-jaqty tekserýdi tapsyrdy.