«Keńes Odaǵynyń Túrki álemi saıasaty» atty jınaq qazaq, túrik, orys jáne fransýz tilderinde basyldy.
Mazmundy eńbekti jınaqtaǵan belgili shoqaıtanýshy ǵalym, Mımar Sınan ýnıversıtetiniń profesory Ábdiýaqap Qara. Bul toptamaǵa Mustafa Shoqaıdyń bir ǵasyr buryn jaryq kórgen 120 maqalasynyń eń ózekti 41-i tańdalǵan, dep habarlaıdy Almaty-akshamy.kz.
Avtordyń aıtýynsha Mustafa Shoqaı otannan jyraq, qýǵynda júrgen kezdegi eńbekteri Eýropa baspalarynda jıi jarıalanǵan. Sol kezeńde búkil álem azattyq pen erkindikti ańsaǵan túrki jurty týraly onyń maqalalarynan tanyp bildi. Túrkıalyq ǵalymdar Mustafa Shoqaıdy tek qazaq emes kúlli túrki halyqtarynyń táýelsizdigi úshin kúresken erekshe qaıratker dep tanıdy.
«Mustafa Shoqaıdyń ózi sóılep tur. Iaǵnı, muny oqyrman onyń pikirinen, onyń qalamynan týyndaǵan eńbekterin oqyp, óz qorytyndysyn shyǵaryp, óz baǵasyn ózi beredi. Bireýdiń aıtqan baǵasymen emes, óziniń kózimen oqyǵan Mustafa Shoqaıdyń qalamynan shyqqan týyndydan naqty baǵasyn beredi. Biz Mustafa Shoqaıdy buǵan deıin uly memleket qaıratkeri dep bildik. Alashtyń ardagerleriniń biri dep. Myna kitapta oqyǵanda Mustafa Shoqaı sonymen qatar, ekonomıkany kúshti bilgen, halyqaralyq saıasatty kúshti bilgeni, tarıhty jaqsy bilgen, fılosofıany jaqsy bilgen ony qalamynan kórip otyrmyz», - deıdi Mımar Sınan ýnıversıtetiniń prfessory Ábdiýaqap Qara.