Injenerlik ınfraqurylymdy jańǵyrtý máselesi Túrksib aýdanynyń mańyzdy máselelerdiń biri bolyp qala bermek.
Ótken jyly «Shýaqty» shaǵyn aýdanynyń turǵyndary úshin 17,4 shaqyrym sý qubyry jáne káriz jelileri salyndy. Onyń 10 shaqyrymy sý qubyry bolsa, 7,4 shaqyrym káriz júıesi tartylǵan. Bul týraly Almaty qalasynyń ákimi Erbolat Dosaev Túrksib aýdany turǵyndarymen kezdesýinde málim etti, dep habarlaıdy Almaty-akshamy.kz.
Bıylǵy jyly 223,7 shaqyrym sýmen jabdyqtaý jáne sý burý jelilerin salý jáne iske qosý josparlanǵan.
«Sheber Build» JSHS «Álmerek» shaǵyn aýdanynda 20 shaqyrym sý qubyry men kanalızasıa qurylysy boıynsha negizgi jumystaryn aıaqtady. Turǵyndar sýmen qamtý jelilerine qosyla alady, júıe tekserilgennen keıin osy jyldyń qańtar aıynyń sońynda kanalızasıa júıesine qosylýǵa múmkindik bolady;
- Bıyl aqpan aıynyń sońyna deıin «Jas Qanat» shaǵyn aýdanynda 16,4 shaqyrym sý qubyry men kanalızasıa qurylysy boıynsha jumystar aıaqtalady, dedi qala ákimi.
Osy jyldyń 3-shi toqsanynda «Maıak», «Nıjnáá Pátıletka» shaǵyn aýdandarynda jáne Zakarpatskaıa kóshesinde 187,3 shaqyrym sý qubyry jáne kanalızasıa qurylysy aıaqtalady. Sonymen qatar, osy jyldyń 2-shi toqsanynda «Qaırat» shaǵyn aýdanynda 37,2 shaqyrym sýmen qamtý jáne sý burý jańa jelileriniń 2-shi kezegin salý jumystaryn bastaý josparlanǵan.
Bıyl 6 ýchaske boıynsha sý qubyry men kanalızasıa jelilerin jobalaýdy aıaqtaý kózdelgen, onyń ishinde: Uzyndyǵy 120 shaqyrym 2 ýchaske boıynsha aýdannyń ortalyq bóliginde Seıfýllın dańǵylynan batysqa qaraı (Rysqulov-Jansúgirov – Sholohov - Seıfýllın kósheleriniń kvadraty) jáne Áýejaı kóliniń mańy,
Uzyndyǵy 50 shaqyrym 4 ýchaske boıynsha aýdannyń ortalyq bóliginde Seıfýllın dańǵylynan shyǵysqa qaraı, Sholohov, Aqan seri jáne Seıfýllın kósheleriniń kvadratynda, sondaı-aq, Krasnogorskaıa, Súıinbaı, Asylbekov, Sobolev, Sarymoldaev kóshelerindegi jekelegen úıler úshin rekonstrýksıalanady, dedi qala ákimi E.Dosaev.