Qaraǵandy oblystyq TJD habarlaýynsha, 30 qańtarda saǵat 00:07-de Buqar jyraý aýdany Botaqara aýylynda 2 qabatty, 12 páterli turǵyn úıde jarylys boldy. Úıde barlyǵy 46 adam tursa, jarylys kezinde úıde 35 adam bolǵan.
«Úıindi astynan 2 óli jáne 5 jaraly adam tabyldy.Túrli dene jaraqattarymen Buqar jyraý aýdandyq aýrýhanasyna 3 bala jetkizildi», - delingen habarlamada.
Oqıǵa ornynda jedel shtab quryldy. Jumysqa 139 adam men 32 tehnıka jumyldyryldy.
Qutqarý jumystary aıaqtaldy.
Qaraǵandy oblysynyń Tótenshe jaǵdaılar departamentinde 8-7212-517223 senim telefony ashyldy. 25 azamatqa jedel psıhologıalyq kómek kórsetildi.