Memleket azamattardy turǵyn úımen qamtamasyz etýdi júıeli túrde jetildirýde. Prezıdent qol qoıǵan jańa zań boıynsha «Otbasy bank» tolyqqandy damý ınstıtýtyna aınalady, dep habarlaıdy aqshamnews.kz
Bul bank turǵyn úıge muqtaj azamattardy «bir tereze» qaǵıdaty boıynsha tirkep, olardyń baspana alýyna járdemdesedi.
Jańa zań aıasynda 71 myńǵa jýyq azamat memlekettik jaldamaly úılerin jekeshelendirýge múmkindik aldy.
Bul ardagerler, kópbalaly otbasylar, múmkindigi shekteýli jandar men jetim balalar sekildi áleýmettik osal toptarǵa úlken kómek. Sonymen qatar, 2024 jyly ákimdikter 20 myńnan astam páter satyp aldy, nátıjesinde 13 myń otbasy alǵash ret baspanaǵa ıe boldy.