Beıbitshilik jónindegi Nobel syılyǵy Venesýela opozısıasynyń lıderi Marıa Korına Machadoǵa berildi
2025 jylǵy Beıbitshilik jónindegi Nobel syılyǵy Venesýelada opozısıa lıderi bolyp tanylǵan Marıa Korına Machadoǵa tabystaldy, - dep habarlaıdy Aqshamnews.kz.
Nobel komıtetiniń málimdeýinshe, marapat «Venesýela halqynyń demokratıalyq quqyqtaryn ilgeriletý jolyndaǵy tynymsyz eńbegi men eldi dıktatýradan demokratıaǵa beıbit ári ádiletti túrde kóshirýge baǵyttalǵan kúresi úshin» berilgen.
Aıta keteıik, AQSH-tyń burynǵy prezıdenti Donald Tramp buǵan deıin birneshe ret ózin Beıbitshilik syılyǵyna laıyq dep málimdegen. Onyń aıtýynsha, Aq úıge ekinshi márte kelgennen keıin birqatar soǵysty toqtatqan. Bul týraly BBC habarlaǵan.
Alaıda Nobel komıtetiniń ókili Tramptyń nege marapattalmaǵany týraly suraqqa jaýap bere kele, uıym «sheshimderin tek Alfred Nobeldiń ósıetine sáıkes qabyldaıdy, al jarıa kampanıalar negizinde emes» ekenin atap ótti.
Sońǵy ýaqytta Tramptyń eleýli jetistikteriniń biri retinde Izraıl men palestınalyq HAMAS qozǵalysy arasyndaǵy atysty toqtatý jáne ızraıldik tutqyndardy qaıtarý jónindegi kelisim atalyp otyr. Bul qujatqa sársenbi kúni qol qoıylǵan edi.