Darhan Satybaldy New Vision 2025 forumy ayasynda Booking.com-nyń negízín qalaushy Djeff Hoffmanmen kezdestí
Almatyda New Vision Forum 2025 ashyldy, - dep habarlaıdy Aqshamnews.kz.
Onyń jūmysyna jıyrmadan astam elden kelgen kásípkerler, ınvestorlar, sarapshylar men kreatıvtí ındustrıya ókílderí qatysuda. Alqaly forum Eurazıyanyń írí bıznes-alańdarynyń bírí sanalady.
Almaty ákímí Darhan Satybaldy forumnyń ayasynda negízgí spıkerlerdíń bírí árí Booking.com, Priceline.com jáne uBid. com,-nyń teń qūryltaıshysy, tanymal ınvestor jáne kásípker Djeff Hoffmanmen kezdestí.
Áńgíme barysynda taraptar kásípkerlíktí qoldau, ınnovatsıyalyq ekojúıení damytu jáne qala ekonomıkasyna ınvestıtsıyalar tartu máselelerín talqylady. Sondaı-aq, startaptar auqymyn keńeıtu jáne qazaqstandyq kompanıyalardyń halyqaralyq naryqtarǵa shyǵuy turaly sóz boldy.
Forumǵa qatysushylar aldynda sóz sóılegen Darhan Satybaldy Almatynyń óńírdegí bıznes, turızm jáne kreatıvtí ındustrıyalar úshín tartylys ortalyǵy ekenín atap óttí.
«Almaty kreatıvtí ındustrıyanyń jetekshí ortalyǵy mártebesín saqtap otyr. Forum ayasynda kapıtaldandyryluy 40 mln dollarǵa juyq kreatıvtí ındustrıyalardyń Qazaqstandaǵy alǵashqy qalalyq venchurlyq qoryn qūru turaly kelísímge qol qoyu josparlanyp otyr. Qor kıno, dızaın, tsıfrlyq mazmūn jáne oıyn ındustrıyasyndaǵy jobalardy qarjylandyratyn bolady. Onyń oryndaluy qala ekonomıkasynyń damuyna quatty serpín beríp, Almatynyń eldíń qarjy jáne ískerlík ortalyǵy retíndegí rólín odan árí tolyqtyra túsedí», - dep atap óttí qala ákímí.
Forum 9-11 qazan aralyǵynda ótedí. Oǵan jetí myńnan astam qatysushylar men júzden astam eksponent -kompanıya ókílderí qatysuda. Alqaly jıyn ayasynda paneldík píkírtalastar, kórmeler, sheberlík dárísterí men kelíssózder ūıymdastyrylyp jatyr.