Qazaqstan TJM baspasóz qyzmeti taýly jerlerde qaýipsizdik erejelerin qatań saqtaýdyń mańyzdylyǵyn eskertedi, dep habarlaıdy aqshamnews.kz
Qutqarýshylar týrıserge mynandaı erejelerdi jadyda saqtaýdy eskertedi:
marshrýtty zertteńiz: uzaqtyǵy, bıiktik aıyrmashylyqtary, kúrdeli jerleri, demalatyn oryndar;
112 qyzmetine, týystaryńyzǵa nemese dostaryńyzǵa qaıda, qashan baratynyńyzdy jáne qaı ýaqytta oralatynyńyzdy eskertińiz;
aýa raıy boljamyn tekserińiz, taýda ol kúrt ózgerýi múmkin: boran, qar jaýý qaýpi bar;
jergilikti jermen tanysyńyz: karta, kompas, GPS nemese navıgator alyńyz;
dene daıyndyǵyńyzdy pysyqtańyz, ásirese marshrýt kúrdeli bolsa, bıikke kóterilý qajet bolsa;
eger qar kóshkini qaýpi týraly eskertý jarıalansa, taýǵa shyǵýdan bas tartý usynylady. Jańadan jaýǵan qalyń qar baıqalsa, sapardy eki-úsh kúnge shegerip, qardyń otyrýyn kútken durys!