"Bolashaq" halyqaralyq stıpendıasy jáne "Ǵylymı taǵylymdamalar" baǵdarlamasy ıegerleriniń tizimi jarıalandy, dep habarlaıdy aqshamnews.kz
Shetelde kadrlar daıarlaý jónindegi respýblıkalyq komısıanyń sheshimimen bıyl 225 qazaqstandyq "Bolashaq" halyqaralyq stıpendıasynyń ıegeri atandy.
Olardyń ishinde 152 adam magıstratýrada bilim alýǵa, 16 úmitker doktorantýra baǵdarlamalaryna joldama aldy. Al 57 qazaqstandyq álemniń jetekshi ýnıversıtetteri men ǵylymı-bilim berý ortalyqtarynda kásibı taǵylymdamadan ótedi.
Stıpendıattardyń 69,8%-y jaratylystaný-tehnıkalyq baǵyttar boıynsha, al 30,2%-y qoǵamdyq-gýmanıtarlyq beıin boıynsha oqıdy.
Sonymen qatar, taǵy 182 qazaqstandyqqa álemniń jetekshi ǵylymı jáne zertteý ortalyqtarynda ǵylymı taǵylymdamadan ótýge stıpendıa taǵaıyndaldy. Ǵylymı taǵylymdamalar — otandyq ǵylym men óndiristiń damýyna serpin beretin, zamanaýı bilim men ozyq tájirıbeni elge transfertteýdiń mańyzdy tetigi.
Grant ıegerleriniń tizimi "Halyqaralyq baǵdarlamalar ortalyǵynyń" resmı saıtynda jarıalanǵan.