Qurmetti áriptester, qyzmet ardagerleri, qadirli qutqarýshylar!
Sizderdi Qazaqstan Respýblıkasy Tótenshe jaǵdaılar mınıstrliginiń 30 jyldyǵymen jáne bizdiń ortaq kásibı merekemiz – Qutqarýshy kúnimen shyn júrekten quttyqtaımyn!
Bul mańyzdy kún adamdardy qutqarý isine ózin arnaǵan barlyq jandardy, olardyń vedimistik nemese uıymdyq baǵynyshtylyǵyna qaramastan, biriktiretin mereke.
Búginde Qutqarýshy kúni bul qaýipsizdik kúzetinde turǵan jáne kez kelgen sátte kómekke kelýge daıyn TJM qyzmetkerlerin, eriktilerdi, qoǵamdyq jáne memlekettik emes qutqarý qurylymdarynyń ókilderin biriktiretin ózara qurmet pen birliktiń sımvoly.
Mınıstrliktiń otyz jyldyq tarıhy bul erlik, janqıarlyq jáne antqa adaldyq joly. Osy jyldar ishinde Qazaqstannyń azamattyq qorǵaý júıesi qalyptasý men damýdyń úlken jolynan ótip, kez kelgen qıyndyqtarǵa tıimdi jaýap bere alatyn qýatty ári zamanaýı qurylymǵa aınaldy.
Kásibı sheberlik, abyroı men Otanǵa adal qyzmet etý dástúrlerin qalyptastyrǵan qyzmet ardagerlerine erekshe alǵysymdy bildiremin. Sizderdiń tájirıbelerińiz, danalyqtaryńyz ben ónegelerińiz mınıstrliktiń dańqty dástúrlerin jalǵastyryp kele jatqan jas qutqarýshylar úshin úlken rýhanı kúsh pen shabyt kózi.
Kún saıyn azamattarymyzdyń qaýipsizdigin qamtamasyz etý jolynda aldyńǵy shepte turǵan barlyq qyzmetkerlerge, eriktilerge, azamattyq belsendilerge alǵysymdy bildiremin. Sizderdiń eńbekterińiz naǵyz patrıotızm men adamı janashyrlyqtyń kórinisi.
Sizderge zor densaýlyq, amandyq jáne keleshekke degen senim tileımin. Sizderdiń ıgilikti mısıalaryńyz árdaıym halyqtyń qurmeti men rızashylyǵyna ıe bola bersin!
Qazaqstan Respýblıkasynyń
Tótenshe jaǵdaılar mınıstri
general-maıor
Shyńǵys Árinov.