Almatyda «Taza Qazaqstan» respýblıkalyq ekologıalyq aksıasy aıasynda jergilikti senbilik uıymdastyryldy, dep habarlaıdy aqshamnews.kz
Bul týraly Qalalyq komýnaldyq ınfraqurylym jáne turǵyn úı ınspeksıasy basqarmasy habarlady.
İs-sharaǵa memlekettik organdardyń ókilderi, komýnaldyq qyzmetter, bıznes qurylymdary men qala turǵyndary qatysty. Senbilikke jalpy 2300-den astam adam jáne 211 arnaıy tehnıka jumyldyrylyp, shamamen 1680 tekshe metr qoqys shyǵaryldy.
Senbilik qalanyń barlyq segiz aýdanynda ótti. Aryq jelileri men qoǵamdyq keńistikter tazalanyp, jol boıy sypyrylyp, jýyldy, irgeles aýmaqtar men shaǵyn bıznes nysandary abattandyryldy. Kógaldandyrý jumystaryna erekshe nazar aýdarylyp, 2 myńnan astam úıeńki, qaraǵaı, jóke jáne qaraǵan aǵashtary otyrǵyzyldy.
Senbilik ótken negizgi aýmaqtar:
- Alataý aýdany: Aqqaınar kóshesi – ÚAK boıy – Mámbetov kóshesi aralyǵy;
- Almaly aýdany: Jeltoqsaı – Abaı – Seıfýllın – Raıymbek kósheleriniń aýmaǵy;
- Áýezov aýdany: Qarǵaly ózeniniń jaǵalaýy (Abaı dańǵylynan Raıymbek dańǵylyna deıin);
- Medeý aýdany: Qazaqstan halyqtary ertegileri saıabaǵy, Táttibekov kóshesi, 61;
- Bostandyq aýdany: Abaı dańǵylynyń Baızaqov pen Turǵyt Ozal kósheleri arasyndaǵy bólý jolaǵy;
- Jetisý aýdany: Maıak shaǵynaýdany, Bókeıhanov kóshesi, 53a/2;
Túrksib aýdany: Maıak shaǵynaýdany;
Naýryzbaı aýdany: «Alma sıtı» turǵyn úı kesheni, Alataý dańǵylynyń boıy.
Qatysýshylardyń birlesken eńbeginiń arqasynda jasyl aımaqtar retke keltirilip, aryqtar men trotýarlar tazartyldy, aǵashtyń butaqtary sanıtarlyq maqsatta kesilip, shóp shabyldy.