Qazaqstan Prezıdenti Túrkıaǵa resmı saparmen bardy, - dep habarlaıdy aqshamnews.kz.
Qasym-Jomart Toqaevty Ankara qalasynyń "Esenboǵa" áýejaıynda Túrkıa Prezıdenti Rejep Taııp Erdoǵan qarsy aldy.
Memleket basshysyn kútip alý úshin trap aldynda qurmet qaraýyly sap túzep turdy.
"Qonaqjaılyq tanytqanyńyzǵa kóp raqmet. Áýejaıǵa kelip, meni qarsy aldyńyz. Bul men úshin úlken qurmet. Bizdiń aramyzda eshqandaı túıtkil joq. Bizdi tek týystyq, yntymaqtastyq baılanystyrady. Erteń mańyzdy sapar bolady. Sapardyń baǵdarlamasy óte mazmundy. Ony tolyq iske asyramyz dep oılaımyn", – dedi Qasym-Jomart Toqaev.
Erteń, ıaǵnı 29 shilde kúni memleketter basshylary qazaq-túrik strategıalyq seriktestigin odan ári nyǵaıtý perspektıvasyn talqylap, kelissóz júrgizedi.