Almaty mádenı astana mártebesin rastady: Hassak toby III Halyqaralyq sırk festıvaliniń Bas júldesin jeńip aldy

  • 20:59, 28 shilde 2025
Almaty mádenı astana mártebesin rastady: Hassak toby III Halyqaralyq sırk festıvaliniń Bas júldesin jeńip aldy Tımýr Epov

2025 jyly 23-27 shilde aralyǵynda Almatyda qala ákimdiginiń qoldaýymen III Halyqaralyq sırk óneri festıvali — ALMATY CIRCUS FESTIVAL ótti. Festıválge álemniń 15 elinen kelgen artıser qatysyp, úzdik sırk qoıylymdaryn usyndy.

Festıvál shymyldyǵy qala ákimi Darhan Satybaldynyń quttyqtaý sózimen ashyldy. Qala basshysy sırk merekesine jınalǵandardy quttyqtap, Almatynyń óner men mádenıet úshin ashyq alań ekenin jáne halyqaralyq mádenı baılanystyń mańyzyn atap ótti. Bul quttyqtaý aýqymdy festıváldiń resmı bastaýyn bildirdi.

Festıvál aıasyndaǵy eń jarqyn sátterdiń biri Qazaq memlekettik sırkiniń «Hassak» tobynyń óneri boldy. Artıser álemde buryn-sońdy qaıtalanbaǵan erekshe trúkti oryndady: top músheleri mańdaımen bir mezgilde úsh adamdy kóterip, ótkel baspaldaǵymen júrip ótti. Jalpy salmaǵy shamamen 180 keli bolatyn bul rekordtyq nómir halyqaralyq qazylar tarapynan joǵary baǵalanyp, Hassak ujymy festıváldiń Bas júldesin ıelendi. 

Ónerpazdar jeńisin Qazaq memlekettik sırkiniń 55 jyldyǵyna jáne otandyq sırk óneriniń negizin sańlaqtarǵa arnady.

Uıymdastyrýshylardyń aıtýynsha, úsh jyl ishinde ALMATY CIRCUS FESTIVAL Almatynyń ǵana emes, búkil aımaqtyń mańyzdy mádenı oqıǵasyna aınaldy. Festıvál álemdegi eń iri on sırk forýmynyń qataryna kirip úlgerdi. Bıyl Reseı, Qytaı, Ýkraına, Vetnam, Izraıl, Iakýtıa jáne t.b. elderden barlyǵy 20 memleketten 180-nen astam ótinim kelip tústi.

Baıqaý baǵdarlamasynda áýe gımnastary, ekvılıbrıster, akrobattar men erekshe janr artıseri ónerin pash etti. Kóptegen qoıylym alǵash ret kórermen kórsetilip, kópshiliktiń ystyq yqylasyna bólendi.

Festıváldiń erekshe qonaǵy álemdegi eń tanymal saıqymazaqtardyń biri boldy. Onyń áserli qoıylymy kórermenge kóterińki kóńil kúı syılap, baǵdarlamanyń eń este qalarlyq sátterdiń birine aınaldy.

Aıta keteıik, bıyl festıvál jeńimpazdary men júldegerleriniń qatysýymen 2-24 tamyz aralyǵynda Almatyda gala-konsertter ótedi. Laýreattardyń tolyq tizimi Qazaq memlekettik sırkiniń resmı paraqshasynda jarıalanǵan.

Sizdiń reaksıańyz?
Unaıdy
0
Unamaıdy
0
Kúlkili
0
Shekten shyqqan
0
Sońǵy jańalyqtar

20:59

18:23

17:48

17:14

17:02

16:35

15:30

15:15

14:07

13:49

13:04

12:50

11:33

10:42

10:19

09:30

17:38

15:36

14:50

13:34

11:37

10:20

09:38

18:31

17:58