Sanksıa shekteýleriniń áserin báseńdetý joldaryn usyný qajet.
Qazaqstan Prezıdenti Qasym-Jomart Toqaev Joǵary Eýrazıalyq ekonomıkalyq keńestiń Bishkektegi otyrysynda sanksıalar teketiresi EAEO elderine qalaı áser etip jatqany týraly paıymyn aıtty, dep habarlaıdy Almaty-akshamy.kz QazAqparatqa silteme jasap.
«Bárimizge belgili sanksıa shekteýleri Eýrazıalyq ekonomkalyq odaqqa múshe elderdiń báriniń ekonomıkasyna qysym kórsetip jatqanyn moıyndaý kerek. Sondyqtan, bizdińshe, komısıa men elderimizdiń úkimetterine osy máselege aıryqsha nazar aýdaryp, osynaý sanksıa shekteýleriniń áserin báseńdetý joldaryn usyný qajet», - dedi Qasym-Jomart Toqaev.
Sondaı-aq, Prezıdent Qazaqstannyń bastamasy boıynsha qurylǵan Joǵary áreket etý tobynyń jumysyn tıimdi dep baǵalady.
«Biraq oǵan ulttyq aıadan joǵary aspektiler jetispeıdi. Bul jumysqa alqa múshesi retindegi komısıa basshylyq etý kerek dep esepteımin. Árıne, jumys barysynda komısıa mandatyn basshylyqqa alyp, halyqaralyq aspektilerdi eskerý kerek», - dedi Memleket basshysy.
Aıta keteıik, Memleket basshysy Bishkete Joǵary Eýrazıalyq ekonomıkalyq keńestiń otyrysyna qatysyp jatyr. Odaqqa múshe elderdiń basyshlary qazir shaǵyn qurammen otyrys ótkizýde.
Buǵan deıin Prezıdent Qasym-Jomart Toqaevtyń Joǵary Eýrazıalyq ekonomıkalyq keńesiniń otyrysyna qatysý úshin Bishkek qalasyna jumys saparymen barǵany habarlanǵan edi.