Jańa tásilderdi usyný mańyzdy.
Joǵary Eýrazıalyq ekonomıkalyq keńestiń otyrysynda QR Prezıdenti Qasym-Jomart Toqaev eńbek mıgrasıasy men týrızm salasyna qatysty usynys aıtty, dep habarlaıdy Almaty-akshamy.kz QazAqparatqa silteme jasap.
«Eńbek mıgrasıasy máselesine de erekshe nazar aýdarý qajet dep esepteımin. Qazirgi syn-qaterler bul salanyń mańyzdy ekenin aıqyndaı túsedi. Bir orynda turyp qalmaı, jańa tásilderdi usyný mańyzdy. Sonyń ishinde jumys izdeý, jumysqa ornalastyrý rásimderin jeńildetý, eńbek mıgranttary men olardyń otbasylaryna áleýmettik kepildikter berý isine jańa tásilder kerek. Azamattar ıntegrasıalyq jobanyń paıdasyn tolyq sezinýi kerek», - dedi Qasym-Jomart Toqaev.
Sonymen qatar Memleket basshysy týrızm salasyna toqtala kele, bul baǵytta Eýrazıalyq ekonomıkalyq odaqtyń áleýeti zor ekenin aıtty.
«Komısıa úkimettermen birlese otyryp, osy salada mańyzdy ári shynaıy jobalardy ázirleı alady», - dedi Qazaqstan Prezıdenti.