Alpaýyt kompanıaǵa qarasty barlyq eńbek ujymdaryna 13-shi aılyq beriledi.
Sondaı-aq aı saıyn qaýipsizdik bonýsy retinde 25 myń teńge ústemeaqysy taǵy bar. Bul - barlyq jumysshylarǵa tıesili, dep habarlaıdy Almaty-akshamy.kz.
Óńirdiń jańa ákimi Ermaǵanbet Bólekbaev búgin kenshilermen kezdesti. Shahterlerdiń áleýmettik jaǵdaıyn jaqsartýǵa baǵyttalǵan bul sharalar kásipodaq pen kelisim komısıasynyń jumysy negizinde júzege asyp otyr. Aldaǵy ýaqytta óndiris oshaqtarynda jabdyqtar jańalanyp, maman tapshylyǵyn joıý syndy máseleler birtindep sheshilmek.
«Jalaqy jyldyń basynda ınflásıaǵa baılanysty ındeksasıa negizinde kóteriledi. Iaǵnı ulttyq bank bekitken paıyz mólsherinde ujymdyq kelisimshart negizinde kóbeıedi . 13-i aılyq pen 25 myń teńge aı saıynǵy qaýipsizdik bonýsy tólenedi. Kásipodaq pen kelisim komısıasy bul baǵytta uzaq ýaqyt jumys berýshi tarappen kelissózder júrgizdik. Aldaǵy ýaqytta jumysshylar kótergen ózge de máselelerge basa mán beriletin bolady», - dedi «Qorǵaý» kómir óndirýshiler kásipodaǵynyń tóraǵasy Evgenıı Býslaev.