Prezıdent Qasym-Jomart Toqaev qazaqstandyqtardy Eńbek kúnimen quttyqtady, - dep habarlaıdy Aqshamnews.kz.
"Eńbek kúni qutty bolsyn!
Bul merekeniń elimiz úshin aıryqsha máni bar. Sebebi, eńbek pen eńbekqorlyq – ulttyq ıdeologıamyzdyń arqaýyna aınalǵan qundylyqtar.
Jumysshy mamandyqtary jylynda biz adal ári qajyrly eńbegimen elimizdiń ósip-órkendeýine úles qosyp jatqan san alýan kásip ıeleri men túrli býyn ókilderine jáne elimizdegi barsha eńbekker qaýymǵa syı-qurmet kórsetemiz.
Men elimizdiń qundylyqtary men maqsattaryna zor senimmen qarap, qasterli Otanymyz úshin aıanbaı eńbek etip júrgen, árdaıym kásibı sheberligin shyńdap, óndiriste joǵary kórsetkishke qol jetkizýge umtylatyn jáne ár iste alǵyrlyq pen jańashyldyq tanytatyn otandastarymyzǵa shynaıy rızashylyǵymdy bildiremin", - dedi Toqaev.
Memleket basshysy qoǵamda adal eńbekti keńinen dáriptep, óskeleń urpaqty eńbekqor etip tárbıeleı otyryp, Qýatty ári Ádiletti Qazaqstannyń myzǵymas negizin qalaıtynymyzdy aıtty.
"Jaýapkershiligi joǵary, nıeti taza, otanshyl azamattarymyzdyń arqasynda biz damyǵan jáne órkenıetti el bolý mindetin abyroımen oryndaımyz dep senemin.
Qazaqstannyń barlyq azamattaryna zor densaýlyq, baq-bereke jáne tolaǵaı tabys tileımin!" - dedi Prezıdent.