Memleket basshysy Qasym-Jomart Toqaev medısına qyzmetkerlerine shabýyl jasaǵandarǵa jazany kúsheıtýdi tapsyrdy, - dep habarlaıdy aqshamnews.kz tilshisi.
"Memleket basshysy medısına qyzmetkerlerine shabýyl jasap, kúsh qoldanyp jáne qatygezdik tanytqan áreketterge qatysty jazany qatańdatý maqsatynda ulttyq zańnamaǵa ózgerister engizý týraly Parlament depýtattarynyń, densaýlyq saqtaý salasy ókilderiniń jáne belsendi azamattardyń usynysyn qoldaıdy", - delingen habarlamada.
Dárigerlerdiń densaýlyǵyna nuqsan keltirip, ómirine qaýip tóndiretin mundaı keleńsizdikterge "Zań jáne tártip" qaǵıdatyna sáıkes quqyqtyq turǵyda batyl túrde tosqaýyl qoıylýy kerek.
Prezıdent Úkimetke tıisti zańnamalyq túzetýler ázirleýdi tapsyrdy. Bul bastama Parlamentte azamattyq qoǵam ókilderimen birge talqylanady.
Eske salaıyq, buǵan deıin Qaraǵandyda naýqas jeke emhananyń dárigerine shabýyl jasaǵan bolatyn. Oqıǵa dál medısınalyq mekeme ǵımaratynda bolǵan.
Qostanaıda oblystyq aýrýhanada hırýrg aıaýsyz soqqyǵa jyǵyldy.
Dárigerge shabýyl jasaǵan kúdikti eki aıǵa qamaýǵa alyndy. Denege aýyr zaqym keltirgeni úshin ol 3 jyldan 8 jylǵa deıin bas bostandyǵynan aıyrylýy múmkin.