Qasym-Jomart Toqaev Fransıa Prezıdentimen kezdesý ótkizdi
Qasym-Jomart Toqaev Emmanúel Makronmen ekijaqty yntymaqtastyqtyń jaı-kúıin talqylady, - dep habarlaıdy Aqshamnews.kz.
Memleket basshysy Fransıa elimizdiń Eýropa Odaǵyndaǵy basty ári senimdi seriktesi sanalatynyn atap ótti.
Prezıdentter osyǵan deıin joǵary deńgeıde qol jetkizilgen ýaǵdalastyqtar túrli salada, sonyń ishinde energetıka, kólik-logıstıka, aýyl sharýashylyǵy, densaýlyq saqtaý baǵyttarynda aıtarlyqtaı tabysty iske asyrylyp jatqanyna toqtaldy.
Mádenı-gýmanıtarlyq baılanystar jemisti damyp keledi.
Qazaqstan men Fransıa prezıdentteri ózekti geosaıası máseleler jóninde pikir almasty.
Conymen qatar, Memleket basshysy Fınlándıa Prezıdentimen kelissóz júrgizdi.
Qasym-Jomart Toqaev pen Fınlándıa Prezıdenti Aleksandr Stýbb ekijaqty jáne halyqaralyq kún tártibindegi máselelerdi talqylady.
Sýret: Akorda.kz
Qazaqstan Prezıdenti joǵary deńgeıdegi jemisti saıası dıalog eki el arasyndaǵy yntymaqtastyqty arttyrýda mańyzdy ról atqaratynyna toqtaldy.
Osy oraıda Qasym-Jomart Toqaev Fınlándıa basshysynyń Qazaqstanǵa jasaıtyn aldaǵy sapary qos eldiń saýda-ekonomıkalyq, ınvestısıalyq jáne gýmanıtarlyq áleýetin tanytýǵa yqpal etetinine senimdi ekenin aıtty.
Kezdesýde álemdegi qazirgi geosaıası ahýalǵa basa mán berildi.