Prezıdent ınvestısıa tartý jumystaryn kúsheıtý qajet ekenin aıtty.
Qasym-Jomart Toqaevqa «Astana» halyqaralyq qarjy ortalyǵy jumysynyń qazirgi nátıjeleri, sondaı-aq Prezıdenttiń maýsym aıynda AHQO-ny basqarý jónindegi keńestiń otyrysynda bergen tapsyrmalarynyń oryndalýy týraly esep berildi, dep habarlaıdy Almaty-akshamy.kz Aqordaǵa silteme jasap.
Qaırat Kelimbetovtiń aıtýynsha, AHQO-da álemniń 65 elinen 1500-den asa kompanıa tirkelgen. Tartylǵan ınvestısıanyń jalpy kólemi 6,9 mıllıard dollarǵa jetken.
Astana International Exchange (AIX) bırjasy arqyly 321 mıllıon dollardan astam aksıonerlik kapıtal jáne 2,1 mıllıard dollar qaryz kapıtaly tartyldy.
AHQO soty men Halyqaralyq arbıtraj ortalyǵy jalpy 1200-den astam daýly máseleni qarastyrǵan.
Sonymen qatar Memleket basshysyna Ekonomıkalyq yntymaqtastyq jáne damý uıymynyń (EYDU) jýyrdaǵy esebinde AHQO-nyń salyq rejımi salyq ashyqtyǵynyń jahandyq standarttaryna saı keledi dep tanylǵany jóninde málimet berildi.
Qasym-Jomart Toqaev eldiń ekonomıkalyq damýynda «Astana» halyqaralyq qarjy ortalyǵy mańyzdy ról atqaratynyn atap ótip, sheteldik ınvestısıa tartý jumystaryn kúsheıtý qajet ekenin aıtty.