Eńbek zańnamasy normalarynyń 390 ret buzylǵany anyqtaldy.
Jyl basynan beri Almaty qalalyq eńbek ınspeksıasynyń qyzmetkerleri azamattardyń quqyqtaryn qorǵaýǵa baǵyttalǵan 320 jospardan tys tekserý júrgizdi, dep habarlaıdy Almaty-akshamy.kz QazAqparatqa silteme jasap.
«Tekserý barysynda eńbek zańnamasy normalarynyń 390 ret buzylǵany anyqtaldy, zań buzýshylyqty joıý týraly 220 nusqama berildi», - dedi Almaty qalasy eńbek ınspeksıasy basqarmasynyń basshysy Erkinbek Ámirǵalıev.
Sonymen qatar, ol qyzmetkerlerine jalaqyny ýaqtyly tólemegen jumys berýshilerdiń ákimshilik jaýapqa tartylǵanyn aıtty.
«24,2 mln teńgege 179 zańdy tulǵa ákimshilik jaýapkershilikke tartyldy (86 zańdy tulǵanyń eńbek aqysyn ýaqtyly tólemegeni úshin 18 mln teńge tólendi). Jeke jáne zańdy tulǵalardyń 3 136 ótinishi qaraldy. Jalaqy boıynsha 212 kásiporynda 300,8 mln teńgege bereshek óteldi, osylaısha 642 qyzmetkerdiń eńbek quqyqtary qorǵaldy», - dedi ol.
Spıkerdiń sózinshe, jyl basynan beri óndirispen baılanysty 59 jazataıym oqıǵa tirkelgen.
«Zardap shekkender sany – 70, onyń ishinde qaıtys bolǵany – 6 adam, aýyr dárejedegi jaraqat alǵandar – 21 adam, jeńil dárejedegi jaraqat alǵandar – 43 adam. Eńbek zańnamasynyń normalaryn túsindirý boıynsha qala kásiporyndarynda 2 236 adamnyń qatysýymen 87 kezdesý ótti», - dep túsindirdi Óńirlik komýnıkasıalar qyzmetindegi brıfıńide Almaty qalasy eńbek ınspeksıasy basqarmasynyń basshysy Erkinbek Ámirǵalıev.