Zeınet jasyn tómendetý máselesi arnaıy jumys tobynda qaralyp jatyr.
Úkimette dál osy máselege Premer-Mınıstrdiń orynbasary Eraly Toǵjanov jaýapty, dep habarlaıdy Almaty-akshamy.kz
Buǵan deıin eńbek jáne halyqty áleýmettik qorǵaý mınıstri Tamara Dúısenova zeınet jasyn tómendetýge qatysty usynystardyń Qarjy mınıstrligine jiberilgenin aıtqan. Alaıda Qarjy mınıstri Erulan Jamaýbaev ózi basqaryp otyrǵan vedomstvoda bul másele qaralmaǵanyn málimdedi
Premer-Mınıstrdiń orynbasary Eraly Toǵjanov zeınet jasyn tómendetý máselesi arnaıy jumys tobynda talqylanyp jatqanyn málimdedi.
Aıta keteri, buǵan deıin eńbek jáne halyqty áleýmettik qorǵaý mınıstri Tamara Dúısenova zeınet jasyn tómendetýge qatysty usynystardyń qarjy mınıstrligine jiberilgenin aıtqan. Mamandar barlyq usynysty zerdelep, esep-qısabyn shyǵarýy tıis.
Alaıda Úkimet basshysynyń orynbasary - Qarjy mınıstri Erulan Jamaýbaev ózi basqaryp otyrǵan vedomstvoda zeınet jasyn tómendetý máselesiniń qaralmaǵanyn málimdedi.
Úkimette dál osy máselege Premer-Mınıstrdiń orynbasary Eraly Toǵjanov jaýapty. Onyń aıtýynsha, zeınet jasyn tómendetý máselesi arnaıy jumys tobynda qaralyp jatyr.
«Áleýmettik kodeks aıasynda barlyq usynys talqylanyp jatyr. Sonyń ishinde zeınet jasyn tómendetý máselesi de bar. Jumys toby qurylǵan», - dedi Toǵjanov jýrnalıserge bergen suhbatynda.
Osy oraıda vıse-premer áıelderdiń zeınet jasyn tómendetý máselesi áriptesiniń quziretine kirmeıtinin eske saldy.
«Iá, ol da vıse-premer, biraq basqa máselelerge jaýap beredi. Oǵan tikeleı men jaýaptymyn», - dep atap kórsetti Toǵjanov.
Alaıda qarjy mınıstrligi de zeınet jasyn tómendetý máselesin talqylaýǵa qatysyp otyrady. Toǵjanov áriptesi bilmeıtin nárseni ózinen suraýǵa keńes berdi.