Koronavırýs qaıta kúsheıdi.
Vıse-premer Eraly Toǵjanovtyń vedomstvoaralyq komısıada barlyq mańyzdy másele qaralatynyn jetkizdi. Atap aıtqanda, vaksınalaý sharalary kúsheıtiledi, dep habarlaıdy Almaty-akhamy.kz.
«Ázirge eń mańyzdy másele vaksınalaý bolyp otyr, aıtarlyqtaı kúrdeli jaǵdaı joq. Degenmen, naýqastar sany kóbeıse, maska taǵý rejımine qaıta oralýymyz múmkin. Qazir táýligine 100 adamǵa deıin naýqastar sany artyp keledi, sondyqtan másele joq emes, bar. Karantın talaptaryn kúsheıtý máselesin vedomstvoaralyq komısıanyń otyrysynda kóteremiz», – dep jaýap berdi Eraly Toǵjanov Májilis kýlýarynda tilshilerge bergen jaýabynda.
Osy oraıda vıse-premer koronavırýsty juqtyrý kórsetkishiniń eki qalada ósip jatqanyn eske saldy. Ol – Almaty men Nur-Sultan.
«Osy eki qalaǵa shetel azamattary da, óz adamdarymyz kóp keledi. Áýe baılynysy da kóp», - dep atap kórsetti Eraly Toǵjanov.
Aıta keteri, densaýlyq saqtaý mınıstrligi koronavırýsqa shaldyǵý kórsetkishiniń óskenin habarlady.
Resmı málimetke sáıkes, osy aptada aldyńǵy aptamen salystyrǵanda aýrýshańdyq 3,6 esege - 127-den 457 jaǵdaıǵa deıin artqan. Sonyń basym bóligi Almaty jáne Nur-Sultanda tirkelgen. Eki qalada barlyǵy 391 naýqas (85%) anyqtaldy.