Almatyda sýǵa shomylý maýsymy kezinde sý aıdyndarynda qaýipsizdikti qamtamasyz etý sharalary kúsheıtildi.
Sýǵa túsý maýsymy bastalǵan ýaqyttan TJD qala turǵyndaryn sýdaǵy qaýipsizdik erejelerin saqtaýǵa jáne júzýge arnalmaǵan jerlerde shomylmaýǵa shaqyrady. Bul týraly Óńirlik komýnıkasıalar qyzmetiniń brıfıńinde Almaty qalasy Tótenshe jaǵdaılar Departamenti azamattyq qorǵanys basqarmasynyń basshysy Isqar Savazov jan-jaqty aıtyp berdi, dep habarlaıdy Almaty-akshamy.kz
«Qalada sýda jappaı demalý úshin tórt oryn anyqtaldy. Bul – Saıran sý qoımasynyń batys jáne shyǵys bólikteri, «Gúlder» demalys aımaǵy jáne D. Qonaev atyndaǵy Úlken Almaty kanaly boıyndaǵy Baým toǵaıynyń jaǵajaı aımaǵy», - dedi Isqar Savazov.
Spıker atap ótkendeı, qazirgi ýaqytta Saıran sý qoımasy toly. Táýlik boıy kezekshilikti Almaty qalasy qutqarý qyzmetiniń qutqarýshylary júzege asyrady. Jaǵajaılar úshin júzýdiń belgilengen shekaralary daıyndalǵan. Shomylýǵa tyıym salynǵan oryndardyń perımetri boıynsha aldyn alý materıaldary bar alty aqparattyq stend jáne 12 qaýipsizdik belgisi ornatyldy.
Bul rette bıylǵy jyly Qulja traktindegi jolaıyryqtyń qurylys-montaj jumystaryna baılanysty Úlken Almaty kanalyn sýmen toltyrý josparlanbaǵan.
Spıker sondaı-aq, sýǵa túsýge tyıym salynǵan oryndarda TJD qyzmetkerleri men QR Ulttyq ulanynyń áskerı qyzmetshileri sýdaǵy demalys oryndaryn kúndelikti patrúldeý júrgizetinin eske saldy. Bıylǵy jyly dronnyń kómegimen patrúldeý tájirıbesi de qoldanylady.
«Eger siz sýǵa batyp bara jatqan adamdy kórseńiz, eń aldymen aınalańyzdaǵy adamdarǵa habarlap, qutqarýshylar men jedel járdem shaqyrýyn suraý kerek, sodan keıin belgili bir erejelerdi saqtaı otyryp, ony óz betińizshe qutqarýǵa tyrysyńyz. Este saqtaıtyn jaıt, sýǵa batyp bara jatqan adam qatty qoyqqanynan sizdiń kıimińizge jarmasýy múmkin. Sondyqtan ony artynan ustaýǵa tyvrysý qajet», - dedi spıker.
Brıfıń barysynda Isqar Savazov balalardyń sýǵa batyp ketýine jol bermeý boıynsha júrgizilip jatqan jumystar týraly da aıtty.
Osylaısha, qalanyń óskeleń urpaǵy úshin sý aıdyndaryndaǵy qaýipsizdik erejelerine oqytý uıymdastyryldy. Bilim alýshylardyń jalpy sany 3 275 adamdy qurady.
Aldyn alý jáne aqparattandyrý máselelerine erekshe kóńil bólinedi. 11 mamyrdan bastap bilim basqarmasymen birlesip «Qaýipsiz sý» aksıasy iske qosyldy. Qalanyń barlyq jalpy bilim beretin jáne arnaıy orta mekemelerinde 93 myń mektep oqýshylaryn qamtı otyryp, ashyq sabaqtar, synyp saǵattary, konkýrstar, vıktorınalar, ınteraktıvti sabaqtar ótkizildi. Sondaı-aq, Qyzyl Jarty Aı qoǵamymen birlesip, qalanyń barlyq mektepterin qosý arqyly Tikeleı efır ótkizildi. Sonymen qatar, qalanyń jalpy bilim berý mekemelerinde «Sýdaǵy qaýipsizdik» taqyrybynda beınerolıkter kórsetilýde. Osylaısha 280 myń almatylyq oqýshy qamtyldy.
Sonymen qatar, aýdan ákimdikterimen birlesip, adam óliminiń birneshe jaǵdaılary tirkelgen jerlerde 11 aqparattyq stend (sońǵy bes jylda qaza bolǵandardyń sanyn kórsete otyryp), sondaı-aq 66 tyıym salý belgisi ornatyldy.
Adamdar kóp jınalatyn obektilerde (SOO, SÚ, HQKO, TJ vokzaldary, metropolıten, áýejaı, kınoteatrlar jáne t.b.), Densaýlyq saqtaý mekemelerinde, sondaı-aq qalanyń medıabordtarynda jáne LED-ekrandarynda sýdaǵy qaýipsizdik taqyrybyna beınerolıkter kórsetiledi. Aǵymdaǵy jyldyń 1 mamyrynan bastap birlesken reıdter ótkizilip, onyń aıasynda 1000-nan astam jadynama taratyldy.