Qoja Ahmet Iassaýı atyndaǵy №123 mektep-gımnazıasynda 16-20 qyrkúıek aralyǵynda «Tilim meniń – tirligimniń aıǵaǵy!» atty aptalyq is-shara ótkizildi. Bul is-sharaǵa 1-4 synyp oqýshylary, mektep kitaphanashylary, pán muǵalimderi jáne synyp jetekshileri belsene qatysty.
Aptalyqtyń alǵashqy kúni, 16 qyrkúıekte, is-sharanyń ashylýy elektrondy túrde ótti. Al 17 qyrkúıek kúni 2-synyp oqýshylary arasynda «Meniń súıikti kitabym» atty saıys uıymdastyryldy. Bul saıysta oqýshylar ózderiniń oqyǵan kitaptaryn qyzyqty túrde tanystyryp, dostaryna jarnama jasady. Nátıjesinde 2 «A» synyp oqýshysy Erkejan Erkimbne 1-oryn, 2 «V» synyp oqýshysy Ónerqan Eraly 2-oryn, 2 «G» synyp oqýshysy Zıatqyzy Raıana 3-oryn ıelenip, maqtaý qaǵazdarymen marapattaldy.
18 qyrkúıekte 4 «A» jáne 4 «Z» synyptarynda ashyq sabaqtar ótti. Samal Jasarqyzy jetekshilik etetin 4 «A» synybynda oqýshylarǵa til mártebesi men ulttyq qundylyqtar týraly túsindirý jumystary júrgizildi. Al Baıtýova Gúlbaıra jetekshilik etetin 4 «Z» synybyna jas mamandar qatysyp, ustazdyń tyń ádisterimen tanysty.
19 qyrkúıek kúni 3-synyptar arasynda «Júzden júırik» atty zıatkerlik saıys ótkizildi. Úsh kezeńnen turatyn saıys qorytyndysy boıynsha 3 «D» synyp oqýshysy Keńesbaı Kaýsar 1-oryn, 3 «B» synyp oqýshysy Sarıev Aslan 2-oryn, 3 «Ǵ» synyp oqýshysy Azymqul Iasına 3-oryn ıelendi.
20 qyrkúıekte 4-synyp oqýshylary arasynda «Ózge tildiń bárin bil...» atty ıntellektýaldyq saıys ótti. Bul saıysta oqýshylar qazaq, orys jáne aǵylshyn tilderinde tapsyrmalar oryndap, úsh tildi meńgerý deńgeıin kórsetti. Nátıjesinde, 4 «Á» synyp oqýshysy Beısen Aqerke 1-oryn, 4 «E» synyp oqýshysy Rysqoja Asylhan 2-oryn, 4 «B» synyp oqýshysy Rysmendi Nurlan 3-oryn alyp, maqtaý qaǵazdarymen marapattaldy.
