Aýstralıanyń Sıdneı qalasynda Crown Sydney kazınosynda alaıaqtyq jasady degen kúdikpen qazaqstandyq erli-zaıypty ustaldy, - dep habarlaıdy Aqshamnews.kz.
Polısıanyń málimetinshe, olar jasyryn qurylǵylardy paıdalanyp, shamamen 1,18 mln dollar utyp alǵan. Bul týraly ulybrıtanıalyq The Guardian basylymynyń habarlaǵan.
Qaýipsizdik qyzmeti kúdikke ilikkenderdi áıel adamnyń jeıdesinen mını-kamera baıqalǵannan keıin áshkerelegen. Sonymen qatar, olardyń sómkelerinen jasyryn túsirilimge arnalǵan arnaıy qondyrǵylary bar telefondar, magnıt zondtar jáne basqa da qurylǵylar tabylǵan.
Tergeý boljamy boıynsha, erli-zaıypty karta ústelin jasyryn kameramen túsirip, aqparatty qupıa qulaqqap arqyly alyp otyrǵan.
Sot sheshimimen olar qamaýda qaldy. Er adamǵa qatysty is 11 jeltoqsanda, al áıeliniń tyńdalymy aqpanda belgilengen.