Almaty men Túrkistanda terorızmdi nasıhattady degen kúdikpen eki er adam ustaldy, – dep habarlaıdy almaty-akshamy.kz Polisia.kz. silteme jasap.
Almaty qalasynyń polısıa departamenti UQKD-men birge terorızm ıdeıalaryn nasıhattady degen kúdiktini quryqtady. Ustalǵan adam Qazaqstan Respýblıkasynda tyıym salynǵan “Hızb-ýt-Tahrır ál-Islamı” dinı-ekstremıstik uıymynyń jaqtaýshysy bolyp tabylady.
Sonymen qatar Túrkistanda oblystyq PD qyzmetkerleri prokýratýranyń úılestirýimen terorızm ıdeıalaryn nasıhattady degen kúdikpen jergilikti turǵyndy ustady.
Er adam Qazaqstanda sot sheshimimen tyıym salynǵan “DAISH” halyqaralyq terorıstik uıymy ıdeologıasynyń jaqtaýshysy bolyp tabylady.
Kúdiktilerdiń turǵylyqty jerin tintý kezinde dinı ádebıetter men ózge de zattaı dáleldemeler tárkilendi.
Qylmystyq kodekstiń 256-babynyń 1-bóligi “Terorızmdi nasıhattaý nemese terorızm aktisin jasaýǵa jarıa túrde shaqyrý” boıynsha sotqa deıingi tergep-tekserý júrgizilip jatyr. Tergeý ýaqytynda ustalǵandarǵa qamaýǵa alý túrindegi bultartpaý sharasy tańdaldy.