Shilde aıynda terorıstik qylmys jasaǵany úshin 7 qazaqstandyq sottaldy, dep habarlaıdy aqshamnews.kz Ulttyq qaýipsizdik komıtetine silteme jasap.
Túrkistan turǵyny sheteldegi terorıstik uıymnyń qyzmetine qatysqany úshin 8 jylǵa bas bostandyǵynan aıyryldy. Buǵan deıin ol shet memlekettiń aýmaǵynda ustalyp, arnaıy kúzetpen Qazaqstanǵa deportasıalanǵan.
"Al Almaty oblysynyń túzeý mekemesinde jazasyn ótep jatqan radıkaldy ıdeologıanyń jaqtaýshysy kisi óltirýge árekettengeni jáne terorızmdi nasıhattaǵany úshin qosymsha 9 jylǵa bas bostandyǵynan aıyryldy", - deıdi vedomstvo.
Almaty, Jambyl, Batys Qazaqstan oblystarynyń, Almaty jáne Astana qalalarynyń sottary terorızmdi nasıhattap, sheteldegi soǵys qımyldaryna qatysýǵa árekettengeni úshin 5 qazaqstandyqty 4 jyldan 8 jylǵa deıin bas bostandyǵynan aıyrdy.