Otandasymyz tenısten jaqsy óner kórsetti.
Dúnıe júzindegi reıtıńte 112-orynda turǵan Zarına Dıas Chıkago WTA 250 týrnıriniń irikteý saıystaryn sátti ótkizdi, dep habarlaıdy Almaty-akshamy.kz Olympic.kz-ke silteme jasap.
İrikteý saıystarynyń 4-raketkasy bolyp tirkelgen Dıas aldymen reıtıńte 448-satydaǵy ulybrıtanıalyq Eden Sılvany 6:0, 6:1 esebimen oısyrata utty.
Otandyq tenısshi irikteý saıystarynyń fınalynda álemniń 254-raketkasy, ońtústikkoreıalyq Na-Le Hanmen kúsh synasty. Z.Dıas saǵat jarymnan astam ýaqytqa sozylǵan machta 5:7, 6:1, 6:1 esebimen jeńiske jetti. Ol báseke barysynda 13 breık-poınttyń 10-yn paıdalandy. Qarsylasy 10 breık-poınttyń altaýyn óz esebine jazdy. Tenısshiler birde-bir eıs jasaǵan joq.
Osylaısha Zarına negizgi jarysqa joldama aldy. Chıkago WTA 250 týrnıri 23-30 tamyz aralyǵynda ótedi.