QR Premer-Mınıstriniń birinshi orynbasary Álıhan Smaıylov bastaǵan qazaqstandyq delegasıa Katar memleketine jumys saparymen bardy.
Sapar barysynda Premer-Mınıstrdiń orynbasary – Syrtqy ister mınıstri Sheıh Muhammed ben Abdýrahman ál-Tanımen, Mýnısıpalıtet jáne qorshaǵan ortany qorǵaý mınıstri Abdýlla ben Abdýlazız ben Túrkı ál-Sýbaıemen, Katar Saýda-ónerkásip palatasynyń birinshi orynbasary Muhammed bın Taýar ál-Kovarımen, Qatar Airways basshysy Akbar ál-Beıkermen jáne Qatar Investment Authority men Hassad Food ulttyq kompanıalarynyń basshylarymen kezdesýler ótti, dep habarlaıdy Almaty-akshamy.kz 24.kz-ke silteme jasap.
Qazaqstan-Katar iskerlik keńesi eki eldiń isker toptarynyń qatysýymen ótti, onda Qazaqstan men Katar arasyndaǵy saýda-ekonomıkalyq jáne ınvestısıalyq yntymaqtastyqtyń basym baǵyttary talqylandy. Premer-Mınıstrdiń birinshi orynbasary Á.Smaıylov saýda-ekonomıka jáne ınvestısıa salalaryndaǵy ekijaqty yntymaqtastyqty damytýdyń úlken áleýeti bar ekenin atap ótip, eki el arasyndaǵy memleketaralyq qatynastardy tereńdetý men keńeıtýge jeke sektordy belsendi tartýdyń mańyzdylyǵyn atap ótti.
Shara barysynda Qazaqstannyń birqatar ulttyq kompanıasy men iri kásiporyndarynyń basshylary katarlyq bıznes ókilderine elimizde sheteldik ınvestorlar úshin jasalǵan ekonomıkalyq múmkindikter jónińde baıandady.
Qazaqstandyq delegasıa quramynda «Samuryq-Qazyna» UÁQ» AQ, «KAZAKH INVEST» UK» AQ, «Kazakh Tourism» UK» AQ, «Báıterek» UBH» AQ basshylary, Qazaqstan Respýblıkasynyń syrtqy ister, aýyl sharýashylyǵy, ulttyq ekonomıka, mádenıet jáne sport vıse-mınıstrleri, munymen qosa «BI Group», «Agro Holding Dinara Group», «Target AI», «Evotech CA» sekildi iri kompanıalardyń basshylary boldy.