Almatylyq azamat osy áreketin kásipke aınaldyrǵan.
Almaty polısıasy Taldyqorǵan, Shymkent, Taraz qalalary men Aqtóbe oblysynda birqatar alaıaqtyq pen urlyq jasaǵan kúdiktini ustady, dep habarlaıdy Almaty-akshamy.kz Polisia.kz-ke silteme jasap.
«Jas jigittiń osy jyldyń shilde aıynda Almatyǵa aqsha tabý úshin kelgeni belgili boldy. Ol qońyraý shalý úshin ótip bara jatqandardan telefon suraǵan. Nómirlerdiń kombınasıasyn teretindeı keıip tanytyp, oqıǵa ornynan ketip qalǵan, sodan keıin uıaly telefondardy satyp, alǵan aqshasyn óz qajettilikterine jumsaǵan. Bizdiń bólimsheniń jedel ýákilderi kúdiktini ustady. Qazir onyń úsh aldaý deregine qatysy bar ekeni anyqtaldy. Ol boıynsha sotqa deıingi tergeýdiń biryńǵaı tizilimine QR QK-niń 190-baby 3-bóligine (Alaıaqtyq) sáıkes qylmystyq is tirkeldi», – deıdi Almaly aýdandyq polısıa basqarmasynyń bastyǵy Oljas Sháripov.
Qazir kúdikti qamaýǵa alyndy. Al polıseıler aldanǵandardyń odan da kóp bolýy múmkin ekenin joqqa shyǵarmaıdy. Kúdiktini tanyǵan jaǵdaıda tártip saqshylary, azamattardy myna telefon nómirlerine habarlasýǵa shaqyrady: 8-705-555-77-63 jáne 8-778-591-91-35. QR QK-niń 201 babyna sáıkes ózge aqparat tergeý múddesine oraı jarıa etilmeıdi.
QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.