Jetisý oblysynda «Taza Qazaqstan» ekologıalyq baǵdarlamasy aıasynda Taldyqorǵanda erekshe formattaǵy aksıa uıymdastyryldy, - dep habarlaıdy aqshamnews.kz tilshisi.
Qatysýshylar qala kóshelerin tazalap júrgen eńbekkerlerge alǵys aıtyp, olardy ystyq shaımen kútip, sanıtarlyq jumystarǵa birge atsalysty. Sharaǵa 50-ge jýyq adam qatysty.
«Jetisý jastary» KMM dırektory Shámil Vankeevtiń aıtýynsha, aksıanyń maqsaty – tek qoqys jınaý emes, ekologıalyq mádenıetti damytý jáne qoǵamdy ortaq jaýapkershilikke shaqyrý.
«TAZA ECO» klýbynyń múshesi Aqerke Dosymhanqyzy mundaı sharalar jastardyń tabıǵatqa janashyrlyǵyn arttyryp, eńbekti baǵalaýǵa, qoǵamǵa úles qosýǵa tárbıeleıtinin atap ótti. Onyń aıtýynsha, árbir tazalanǵan kóshe – qoǵamnyń birligi men jaýapkershiliginiń kórinisi.