Premer-mınıstrdíń orynbasary – ūlttyq ekonomıka mınıstrí Serík Jūmanǵarınníń aıtuynsha, bolashaqta baqtashylar eńbegíne qosymsha járdemaqy alyp, erte zeınetke shyǵady, bala-shaǵasy oqudy tegín oqyp, típtí áskerden bosatylady, dep habarlaıdy aqshamnews.kz
Jūmanǵarınníń sózínshe bastama – 2026-2030 jyldarǵa arnalǵan mal sharuashylyǵyn qoldau jáne damytu jóníndegí keshendí jospardyń bír bólígí. Máseleníń mán-jaıyn Auyl sharuashylyǵy mınıstrlígí túsíndírdí.
«Baqtashylar, yaǵnı, túıeshí, shopandardyń zeınet jasyn tómendetu, balalaryn grant arqyly oqytu boıynsha qosymsha jeńíldíkter qarastyru jónínde ūsynys kelíp túsken bolatyn. Qazírgí tańda ony jūmys toby qarastyryp jatyr», - deıdí vedomstvo mamandary.
Deputattar da malshylarǵa qoldau bíldíru kerek dep otyr. Aıdarbek Hojanazarovtyń píkírínshe eńbek adamdarynyń jalaqysyn kóteríp qana qoımaı, baspanamen qamtu kerek.
«Qazír shopan tabu qıyn. 500-700 myń teńge ūsynsań da, jūmysshy tabyla bermeıdí. Bólek mártebe beru, bólek qoldau – mal sharuashylyǵy úshín óte mańyzdy. Prezıdentímíz de kelesí jyly mal sharuashylyǵyna kóńíl bólínetínín aıtty», - deıdí Aıdarbek Hojanazarov.