2024 jyly «Táýelsizdik urpaqtary» boıynsha 3 mln teńgeden 30 grant beriletin bolady.
Qazaqstan Respýblıkasynyń Mádenıet jáne aqparat mınıstrligi Memleket basshysy taǵaıyndaǵan «Táýelsizdik urpaqtary» grantyna konkýrs bastaldy, dep habarlaıdy aqshamnews.kz.
Maqsat – belsendi shyǵarmashyl jastar qaýymdastyǵyn qalyptastyrýǵa baǵyttalǵan jastardyń jańa jáne qoldanystaǵy bastamalaryn memleket tarapynan qoldaý.
Konkýrsqa Qazaqstan Respýblıkasynyń on tórt jastan bastap, otyz bes jasqa deıingi (34 jas qosa alǵanda) azamattary úmitker bola alady.
Granttar 6 baǵyt boıynsha beriledi:
«Ǵylym» – jańa ǵylymı jobalardy jáne zertteýlerdi iske asyrýǵa arnalǵan;
«Mádenıet» – Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrýǵa arnalǵan;
«Aqparattyq tehnologıalar» – jańa IT sheshimder men jobalardy, onyń ishinde jańadan bastalǵan startap jobalardy iske asyrýǵa jáne ázirleýge arnalǵan;
«Bıznes» – jańa bıznes-ıdeıalardy iske asyrýǵa arnalǵan;
«Medıa» – jańa medıa jobalardy, onyń ishinde jastar úshin tanymdyq, paıdaly, qyzyqty kontent qurý jónindegi jobalardy iske asyrýǵa arnalǵan;
«Volonterlik» – ózekti, áleýmettik problemalardy sheshýge baǵyttalǵan volonterlik jobalardy (bastamalardy) iske asyrýǵa arnalǵan.
Úmitkerlerdiń konkýrstyq ótinimderi 2024 jylǵy 05 tamyz ben 06 qazan aralyǵynda t.urpaktary2024@mail.kz elektrondy poshtasy arqyly qabyldanady.
Tolyq aqparat: https://www.gov.kz/memleket/entities/mam/press/news/details/821575?lang=kk